IZENA:
Ekaitz Olea Galdeazabal
LAN-ARLOA:
Lorentzaila (Laintzeko tailerra, Laudion)
Zuzeneko langilea A
ANTZINATASUNA INDESAN:
15 URTE
URTEBETEZEA:
Azaroaren 22a
Nolakoa da egun bat zure lanean Indesan?
Goizean iristen naiz eta egun on esaten diet guztiei, eta arropa garbitzeko jartzen dut garbigailuan, egunero garbitzen baitugu arropa.
Morroiloa kendu eta lorezaintza-departamentuko atea zabaltzen dut, ondoren guztiak elkartu eta lana antolatzen dugu, eta hortik aurrera lan egitera ateratzen gara.
Gure lan nagusia belarra moztea izaten da, belarra ebakitzea…
Itzultzen garenean aldatu eta etxera joaten naiz jatera.
Goizez lan egiten dut. Udako ordutegia 06:30etik 14:30era da, eta urriaren 1etik aurrera, 07:30etik 15:30era aldatzen da.
Egunero egiten dut joan-etorria Amurriotik trenez.
Nola iritsi zinen Indesara?
Lanerako ikastegian nengoen hasieran. Lantokian lan egiteko lehenengo esperientzia bat izan nuen, baina ez zen ongi atera eta lanerako ikastegira itzuli nintzen…
Baina ikastegian gauzak zail egiten zitzaizkidan, gutxi zen niretzat, aspertu egiten nintzen, eta hortaz… Luis Mari arduradun gisa hasi zenean, berriro saiatu ginen, eta orduz geroztik dena ongi joan zen, eta 15 urte igaro dira jada.
Zer da zure lanean gehien baloratzen duzuna?
Gustura nago nire lanean, gustura nago nire kuadrillarekin eta nire arduradunarekin… baloratuta sentitzen naiz.
Hobetzen ari naizela ikusten dut, ikasten ari naiz, egunero gauza berriak ikasten ditut eta apurka-apurka zeregin berriak ematen dizkidate.
Erronka garrantzitsuren bat gainditu al duzu sartu zinenetik?
Egunero autonomoagoa naiz, eta hobeto defendatzen naiz, lehen ez nekien sasi-garbitzeko makina erabiltzen eta orain badakit. Gauza bera makina handiarekin, eserita joateko makinarekin.
Orain segurtasun handiagoa dut, hasieran lan bat agintzen zidaten eta ez nekien, zalantza asko nituen, eta orain jada ez.
Eta urrutiago joan nahi dut, gehiago egin nahi dut.
Zer ikasi duzu Indesan, maila profesionalean zein pertsonalean?
Maila profesionalean, esan bezala, hemen egiten dugun guztia egiten ikasi dut, era askotako makinak eramaten, hala nola sasiak kentzeko makina, soropil-mozteko makina, putz eginez, soropila mozteko makina txikiarekin hobekien moldatzen denetako bat naiz, egunen batean istripu txikiren bat izan dut, bi zehazki, baina ahaztuta dago jada… gertatzen diren gauzak!
Zer aholku emango zenioke enpresan sartu berri den norbaiti?
Lehenik lasaitzea, eta besteei zuri laguntzen uztea ez dakizun gauzetan. Normala da ez jakitea, berria zarenez. Zure arduradunekin hitz egin behar duzu eta haiek lagunduko dizute.
Ahalegintzen bazara, ongi aterako zaizu. Niri ez zitzaidan atera lehenengo aldian, baina gero bai.
Zure ustez, gizarteak zer ulertu beharko luke hobeto desgaitasuna duten pertsonei buruz?
Lehenik lasaitzea, eta besteei zuri laguntzen uztea ez dakizun gauzetan. Normala da ez jakitea, berria zarenez. Zure arduradunekin hitz egin behar duzu eta haiek lagunduko dizute.
Ahalegintzen bazara, ongi aterako zaizu. Niri ez zitzaidan atera lehenengo aldian, baina gero bai.
Zerekin gozatzen duzu lanetik kanpo?
Lanetik ateratzen naizenean, astean bitan zentro berezi batera joaten naiz hobeto hitz egiten lagundu diezadaten. Kostatzen ari zait, baina ari naiz.
Izan ere, zertxobait kostatu egiten zait hitz egitea, irakurtzea, idaztea… eta ongi hitz egin nahi dut.
Gero areto-futbolean aritzen naiz, aspalditik nabil, atezain-postuan jokatzen dut, nire aita atezaina zen… eta semea ere bai.
Federatuta gaude eta partidak jokatzen ditugu, inoiz hatzen bat ere hautsi izan dut….
Athletic ere asko gustatzen zait, eta San Mamesera joatea, baita nire ilobekin denbora pasatzea ere, eta egoeraz baliatzen dira eta eurentzako litxarreriak erostea eskatzen didate.
Zer gauza lortu edo egin nahiko zenuke, lanean edo zure bizitzan?
Lan honetan hemen jarraitzea gustatuko litzaidake, erretiroa hartu arte. Betiere gauza berriak ikasten jarraitzea.
Nire bizitzan, lagunekin elkartzen jarraitzea, ostiralero elkartzen gara, txoko bat dugu herrian eta elkarrekin egoten gara lagun guztiak.
Zure abestia, motibatzeko entzuten duzuna…
Oso gogoko dut Athleticen ereserkia, askotan goizetan jartzen dut lanera etortzeko.
Gero Spotify daukat, bertan sartzen naiz eta abesti guztiak ateratzen zaizkit: bat amaitu, bestea hasi eta entzun egiten ditut.
Orain asko gustatzen zaidan abesti bat Ana Menarena da: A un paso de la luna.
>Ana Mena: A un paso de la Luna
*Ekaitzi egin zaio elkarrizketa hau, eta bere arduradun Luis Mari Bilbao izan zuen alboan.