Pertsona bakoitzak bere berezitasunak ditu eta ez dauka parerik

Hasiera » Pertsonak

Pertsonak egiten dugun guztiaren erdigunean daude. Indesa haiengatik eta haientzat existitzen da, eta horregatik 30 urtez baino gehiagoz heldu diogu desgaitasuna duten pertsonei enplegua emateko gizarte-erronkari, eta, horrela, pertsona horiek gizarteratzen lagundu dugu. Metodo propio bat dugu, profesionalek diseinatua eta esperientzian oinarrituta eta gizarte- eta enpresa-errealitate berriei erantzunez hobetua.

BANAN BANAKO ANALISIA

Pertsona bat Indesara joaten denean lan bila, arreta guztiz pertsonalizatua ematen zaio. Gure Giza Baliabideen eta Orientazioaren arloan, desgaitasun mota eta maila kontuan hartuta, haien gaitasunak eta trebetasunak, gizarte egoera eta premiak ebaluatzen dira, diagnostiko pertsonalizatua egin ahal izateko.

LANPOSTUA SORTZEA

Indesan desgaitasuna duten pertsonei egokitutako lanpostuak sortzen ditugu. Laneko orientazioko eta osasuneko talde teknikoak zehaztutako ebaluazioak kontuan hartuta, pertsona bakoitzari egokitzen zaizkio eginkizunak, ordutegiak, makinak edo eskura dauden lanabesak. Era berean, lanpostua egokitzeko behar diren irisgarritasun neurriak bermatzen ditugu, bai eta lanpostu bakoitzaren lan arriskuen ebaluazioa ere.

HARRERA PROZESUA

Indesak langile berri bakoitzari harrera egiteko protokolo bat du, bakoitzaren beharrei egokitua. Haren bidez, ahalik eta informaziorik onena emango dela bermatzen da, langilea bere lanpostuan ahalik eta errazen has dadin lanean.

ORIENTAZIOA ETA JARRAIPENA

Indesak badu orientazio zerbitzu bat, gizarte arretako profesional talde batek osatua, eta gure 1000 langileak etengabe eta zuzenean artatzen dituena. EHLABEko kideak gara, bai eta LANBIDEren eta EGIF+en laguntzaileak ere.

JARRAIPENA ETA EBALUAZIOA

Indesan, pertsona bakoitzari etengabeko jarraipena egiten zaio lanbide jarduerari laguntzeko unitateen bidez, bere jardunaren eta lanpostuko egokitzapenaren ebaluazioa egiteko, lan garapena eta hazkundea hobetzeko neurriak ezartze aldera.

PRESTAKUNTZA

Etengabeko prestakuntzako plan bat dugu Indesako langile guztientzat, lanpostu bakoitzaren eskakizun berrietara eta gure bezeroen beharretara egokitzeko.